Friluftslivets år 2025

Enkelt søknadsskjema nedst på sida, søk opp til 10.000kr til aktivitet og arrangement i Friluftslivets år.

Kva er Friluftslivets år?

I 2025 er det Friluftslivets år, dette arrangerast kvart tiande år og er forankra i Stortingsmelding om friluftsliv (2016). Markeringa består av å løfte fram lokal aktivitetar i heile Noreg og nasjonale tiltak. Vi skal forsterke alle dei gode friluftsaktivitetane og -arrangementa som vert planlagt og gjennomført rundt om i landet. Gjennom heile 2025 skal markeringa inspirere deg til å:

• Oppdage din nærnatur
  
  
• Invitere kvarandre ut
  
  
• Prøve nye friluftsaktivitetar
  
  Les meir om Friluftslivets år 2025 på deira nettsider.

Årshjul Friluftslivets år

• Heile året | Finn din friluftsglede
  
  
• Heile året | Friluftsknappen
  
  
• Heile året | Kampen om Hulderskogen
  
  
• 18. januar (og påfølgjande veke) | Heile Noreg bålar
  
  
• 10. mai | Verdsdagen for fysisk helse
  
  
• 30. august - 7. september | Friluftslivets veke
  
  
• 10. oktober | Heile Noreg saman på tur - Verdsdagen for psykisk helse
  
  
• 5. desember | Heile Noreg feirar friluftslivet - Frivillegheta sin dag
  
  

Enkelt søknadsskjema 

Kommunar, Frivilligsentralar, lag, organisasjonar, skular og barnehagar kan søke om opp til 10.000kr i tilskot frå Sogn friluftsråd til å gjennomføre aktivitetar eller arrangement i Friluftslivets år. Dette kan til dømes vere overnatting ute med ungdom, tur til eit nærliggande friluftsområde eller båltur med norskopplæringa. Last ned  eksempel på budsjett og rekneskap  eller sett opp ditt eige budsjett.

Vi handsamar søknadane forløpande, ingen søknadsfrist. Søknadane får stadfesting på godkjenning eller avslag. Midlane vert utbetalt etter at arrangementet er gjennomført og sluttrapporten er innsendt. 

Fokusområda for Friluftslivets år skal gjenspelast i aktivitetane som får tilskot. Aktivitetar og arrangement som vektleggast i prioriteringa av søknadane er (i rekkefølge):

1. Tiltak som stimulerar direkte til aktivitetar i naturen.
   
   
2. Aktivitet som er retta mot samfunnsgrupper som i liten grad er ute i naturen.
   
   
3. Aktivitetar som inkluderar personar med særskilde behov.
   
   
4. Aktivitetar som nytter frivillig innsats, eigne ressursar og/eller er spleiselag med fleire.
   
   
5. Aktivitetar som planleggast slik at deltakarane kan gå, sykle, ta kollektiv transport eller køyre saman.
   
   
6. Aktivitetar som fremjer gjenbruk og lån av utstyr.
   
   
7. Involvering av deltakarar anten i planlegginga eller i gjennomføring av aktiviteten eller arrangementet.

Retningslinjer for søkjarar 

• Midlane skal gå uavkorta til friluftaktivitet og/eller -arrangement. Det vil seie at ein ikkje får tilskot til administrasjon, innkjøp av utstyr eller fysiske tilretteleggingstiltak.
  
  
• Aktivitetane og arrangementa skal vere gratis og opne for alle, uavhengig av for eksempel medlemskap*
  
  
• Arrangementa skal leggast inn i Norsk Friluftsliv sin aktivitetskalender.
  
  
• I marknadsføringa bør ein nytte profileringsmateriale utarbeida av Norsk Friluftsliv.
  
  
• Send ein kort sluttrapport av aktiviteten eller arrangementet som også inneheld enkelt rekneskap, antal deltakarar og bileter. Sluttrapporten skal sendast på e-post til anna.kobbeltvedt@sognfriluftsrad.no etter gjennomføring. Midlane vert utbetalt etter innsendt sluttrapport.

*Presisering av 28.04.2025 at arrangementa og aktivitetane skal vere gratis for deltakarane.

Her kan du fylle ut skjemaet for å søke midlar til gjennomføring av friluftsaktivitetar eller - arrangement i Friluftslivets år 2025